Dăk Lăk lam lơh “Tơngleh bơsram jơh rài kis”
Thứ tư, 10:16, 02/10/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Drim ngai 01/10, Anih duh broă Làng bol càr Dăk Lăk bơyai lơh Dơ̆ lam lơh srơh “Dăk Lăk tàm pơrlòng bơ̆t bơtàu mpồl bơtiàn bơsram, lơh pràn bơsram jơh rài kis tơngai bơh nam 2023- 2030” mờ mŭt lơh Tơngleh lơh jăt bơsram jơh rài kis nam 2024.
Tàm “Tơngleh bơsram jơh rài kis”, ală tiah, ală anih tơrgùm lam lơh ală broă lơh, bè: yal tơnggĭt jơnau, mblàng yal jơnau bè broă kwơmàng mờ gơnoar broă bơh broă bơtàu tơngguh niam chài sền, sơlơ tơngguh tai bơsram jơh rài kis; bơyai lơh ală chờ sră yal tơnggĭt sră pa, lơh geh anih tìp măt lơh kwèng đah cau cih sră mờ cau sền sră; lơh mpồl sền sră ƀăo jăt tơngume, jăt sơnam deh; lam lơh ală dơ̆ pơrlòng cih, wăc rùp, yal jơnau jăt tàm sră ƀăo…
Tàm dơ̆ lam lơh, Mpồl bơyai lơh neh jàu 6 jơnau đơs tơngleh lơh jăt bơsram jơh rài kis nam 2024 ai ală tiah, anih lơh broă, mpồl cau, anih bơto bơtê in. Ală mpồl dong kờl neh jàu pà 200 bơta sră; 50 rbô nơm măt mŭt tàm hìu sền sră sồ; jàu priă dong kờl bơsram, pà kes priă pơn jờng bơsram càr in.
Viết bình luận