Ràng tơlik hòi jà geh 119 pang rùp tus bơh 51 nă cau lơh tờm mờ ờ lơh tờm, cau gơboh mờ rùp niam chài tàm gùt lơgar tus bal.

Do gam là broă lơh mùl màl nàng chờ gờm tơnkah 120 nam Ngai crơng gơs càr Dăk Lăk. Ràng tơlik là broă lơh niam chài rơgơi pơgồp bal tàm broă mblàng yal, yal rùp rài ƀòn lơgar, kòn bơnus càr Dăk Lăk dê tus mờ làng bol, cau năc lòt nhơl tàm lơgar mờ lơgar bơdìh; ai geh bơta ƀuơn ală cau chài wăc sềr rùp yal ală pang rùp pa, bơta niam mờ tìp măt tàm boh bơr, tam pà bal broă lơh mờng chài, tơnguh nùs nhơm tam klăc bal, bơtàu tơnguh rơlao tai broă lơh. Mờ bơh dơ̆ ràng tơlik rùp, lơh geh uă bơta chờ nàng ală cau chài sềr rùp geh tai ală pang rùp pa niam, pơgồp bal tàm broă lơh niam chài rơgơi càr Dăk Lăk dê.