Do là broă lơh wèt tus Gờm chờ tơngkah kir sơnrai 120 nam Ngai tơlik mat càr Dăk Lăk. Broă lơh geh bơyai lơh tềng hơđơm mƀur tờm chi Long Não dờng tàm ƀlàng Biệt Điện Bảo Đại, ƀòn dờng Buôn Ma Thuột.

Tàm ù tiah niam ngan, bềng bơta àng gơ crà mờ jơnau đơs gùng đơs crih dê, cau tus sền geh sền broă lơh đơs crih tam ya mờ ràng tơlik phan soh bơh ală bơta tơrgùm wơl phan soh ào kăp pơgồp bal mờ phan kòn cau ală jơi bơtiàn dê bè, Rơđê, Banhar, Jrai... bơh cau bơceh Đặng Thị Minh Hạnh dê lơh. Broă lơh geh bơyai lơh niam ngan, pơgồp bal lơh ràng tơlik ală broă lơh mờ tê bơh yau bè tàñ ồi yau, tàñ phan, trah mòn rùp, lơh phan buh... Broă lơh do kung pơgồp bơnah yal tơngĭt rùp hin ƀòn dờng Buôn Ma Thuột pas niam, ù tiah brê bơnơm, bơhiàn niam chài, pơgồp bơnah bơt bơtàu, ngui niam mpồl tam klăc dờng ală jơi bơtiàn tàm ù tiah càr Dăk Lăk dê.