Tàm nùs nhơm hô hơng bơh gùng đơs crih mờ dơ̆ teh đờng gòng jơi bơtiàn cèng bềng bơhiàn niam chài lơgar Lào dê, làng bol mờ năc lòt nhơl geh sền ală dơ̆ ràng tơlik bè dơ̆ ràng tơlik dròng cing jañ mồng, ràng tơlik đờng T’rưng, kơ wào mờ gùng tamya Lăm Vông lơbơn niam, ràng tơlik ală phan soh kòn cau geh tơngume Bơta niam bơnĕ tiah kơh bơnơm.

Ală jơnau tam ya bè: Bơkàu niam Chăm pa, Sao Ken Fai, Sa La Vắn, I Kơng Đươn Đao… hòi jà năc lòt nhơl bơnĕ bơnài bal mờ ală klau pơnu ùr ơruh Lào dê. Bal mờ hơ̆ là dơ̆ sàc dà cèng gơtha tơngăc kàl prang, hòi dan geh mìu gơdùh lơngơm mrềt rơbô phan hòn kis dờng niam. Do kung là dùl bơhiàn tơngŏ bơta gờm chờ bơh cau Lào dê, kơ̆p kờñ tơl nă cau geh rào goh jơh ală bơta ờ bơtoah bơtoài mờ wă rò ală bơta niam bơnĕ, chờ hờp tàm nam pa.