Jăt TS.NSND ồng Phạm Anh Phương, Củ tịc Mpồl Cau chài tamya Việt Nam, Kwang lam bồ Mpồl đơng lam yal, Tơngleh tamya Việt Nam nam 2024 geh broă tus bal bơh 08 mpồl chài tamya mờ rơlao 100 nă cau chài.

Do là broă tamya pah nam dờng ngan tàm lơgar Việt Nam geh bơta dờng gùt lơgar, geh nùs nhơm dà lơgar mờ ală lơgar dê. Tơnơ̆ mờ tŭ sơn đờm mŭt lơh Tơngleh Tamya Việt Nam nam 2024, tàm bơta niam bơh Hìu rông niam chài Kon Klor dê, dùl bơta niam hìu krơi is bơh jơi bơtiàn kis tàm Tây Nguyên dê, cau ala măt mờ cau sền kờñ gơboh mờ tamya sền broă lơh sơnrờp ngan bơh dơ̆ tamya pa SeSan dê. Bơh bơta chài tamya, ală cau chài jờng rơ bơta niam pràn kơl dang, gam bè ờs ngan bơh bơta niam chài Tây Nguyên dê; mờ ai gŏ loh làng ngan bè broă tàm tìp bal bơta niam chài kung bè broă pơgồp bal mpồl bơtiàn bơh ală jơi bơtiàn kis bơh yal tàm dà dờng SeSan dê.