Do là broă lơh is ồn gơ ơm tàm tơngume Tìp mat lơh kwèng lơh bơyô bal gah ling sền gàr tiah ngàr lơgar Việt Nam mờ Lào dê bơh Ƀộ Ling klàng lơgar he mờ Ƀộ Ling klàng lơgar Lào bơyai lơh. Tìp mat lơh kwèng broă lơh cíñ trị mờ ling geh griăt kơnòm să ling klàng 2 lơgar dê là bơta tờm pơn rơ ngan bơh dơ̆ tìp mat lơh kwèng lơh bơyô bal ling sền gàr tiah nhàr lơgar Việt Nam mờ Lào dơ̆ 2.

Tìp mat lơh kwèng geh bơyai lơh mờ broă lơh pơrjum cribơyai, lơh lèo. Broă lơh mờ ală dơ̆ bơyai lơh đơs crih tam ya jờng rơ Đảng Kộng sản Việt Nam mờ Đảng Ñân zân kăc màng Lào, jờng rơ bơta tam klăc bal, đềt mềr bal Việt Nam mờ Lào neh pơgồp bơnah sơlơ tơnguh tai bơta gĭt wă bal bơh ală ling geh griăt kơnòm să 2 lơgar dê, tơngŏ bơta lơh bơyô bal ờ hoan geh ngan đah 2 Đảng, ling klàng 2 lơgar mờ làng bol Việt Nam mờ Lào dê.