VOV4.K’ho- Ală nam do, Đảng ủy Viện Kiểm sát Nhân dân càr Dăk Nông sùm là anih lơh gơs niam kơnòl broă geh jàu, là anih pơnrơ tàm broă tam gơl pa tơngume pơrjum Đảng, lơh jăt Dơ\ hòi jà bơsram mờ lơh jăt nùs nhơm, bồ tơngoh, rài kis mờ broă lơh jak Hồ Chí Minh dê pơnrơ bơh Đảng bộ gah ală anih lơh broă mpồl lơh sa kă bro càr Dăk Nông.

 Ồng Tạ Đình Đề, Bí thư Đảng ủy, Phó Kuang ătbồ Viện Kiểm sát Nhân dân càr Dăk Nông pà gi\t: Đảng ủy Viện Kiểm sát Nhân dân càr Dăk Nông geh 5 chi bộ, tơl chi bộ ndrờm lơh broă ờs mờng mờ kơnòl broă lơh krơi is. Mơya, jơh ală ndrờm lơh jăt niam broă tam gơl pa, tơnguh jơnhoa cồng nha pơrjum chi bộ. Tàm ală dơ\ pơrjum, ală chi bộ ndrờm jà bí thư ală chi bộ ndai tus bal. Cồng nha bơh broă lơh do dê nàng kờ` dong ală bí thư chi bộ ai is jơnau bơsram mờng chài tàm tu\ đơng lam, tàm tu\ lơh kơrnoat tàm chi bộ he dê. Neh gơ gơs mờng quèng, tàm tơl dơ\ pơrjum, chi bộ lời tu\ jiơ nàng dùl nă đảng viên in sền jơnau yal bơh să tờm he dê bè broă lơh jăt Dơ\ hòi jà bơsram mờ lơh jăt nùs nhơm, bồ tơngoh, rài kis mờ broă lơh jak Hồ Chí Minh dê. Tơnơ\ tu\ iăt sền jơnau yal, ală đảng viên đơs, sền swì mờ cribơyai ală bơta niam, kung bè tă pơgồp ală bơta ờ hềt niam mờ đảng viên hơ\ kờ` pal bơsong. Broă lơh do neh tơnguh jơnhoa cồng nha sền tìs di is mờ sền tìs di bơh ală đảng viên dê, di tu\ bơto tơngkah tơn bơh sơnrờp gơ wèt mờ ală bơta gơ tơngo\ ờ hềt niam.

Ồng Tạ Đình Đề, pà gi\t: Jơnau bơsram bơh bol a` dê là ngui niam bồ tơngoh bal, bơta tam klăc bal tàm chi bộ mờ lơh jăt niam nùs nhơm lơh ngan sền tìs di is mờ sền tìs di bơh chi ủy chi bộ tus dì ală đảng viên tơnơ\ hơ\ lơh tus làng bol den pal ring bal dùl gùng dà, hơ\ là: Tu\ neh đơs den pal lơh. Mờ lơh den pal krà` cê jơh nùs, lơh tus gùng tus dà, lơh bơnàng jă nùs nhơm bồ tơngoh bơh să tờm he dê. Mờ pal lơh jăt di gơnoar broă, kơnòl broă neh geh Đảng, Dà lơgar jàu kơnòl.

Đảng bộ Viện Kiểm sát Nhân dân càr Dăk Nông geh crơng gơs nam 2010, mờ sùm tàm uă nam tơn lơh geh sră jờng rơ lơh gơs niam kơnòl broă mờ lơh gơs jak ngan kơnòl broă. Đảng viên Trịnh Thị Hoàng Lan, Phó Kuang ătbồ Phòng Kiểm sát lơh jăt kơrnoat lơh tìs glài phan bơna broă làng bol bơh anih cah r`a dê đơs bè do: Gơnoar broă lơh krơh bơh cau lam bồ mpồl Đảng, gơnoar ătbồ dê geh gơdờp uă ngan gơ wèt tus mờ bơta lơh ngan, bơsram tàp bơh tơl nă đảng viên, kuang bàng tàm anih lơh broă, ală tiah dê.

Đảng viên Trịnh Thị Hoàng Lan, đơs bè do: Bơh ală cồng nha ngan ngồn mờ anih lơh broă neh lơh geh den pà go\ là, oh mi neh lòt di gùng tàm broă lam lơh jăt mờ cèng wơl cồng nha loh làng bè broă bơsram mờ lơh jăt nùs nhơm, bồ tơngoh, rài kis mờ broă lơh jak Bác Hồ dê. Bơta hơ\ dipal nàng bol a` ală cau đảng viên gam kơnòm să den pal lơh ngan pơđơl pràn uă rlau tai bơh broă bơsram Bác Hồ, bơsram oh mi, mờ lơh ngan pơđơl pràn nàng lơh gơs niam kơnòl broă ờs mờng, pơgồp bơnah tàm bơ\t bơtàu anih lơh broă kung bè bơ\t bơtàu gah lơh broă do.

Ồng Hoàng Xuân Thành, Phó Bí thư Đảng ủy Gah ală anih lơh broă mpồl lơh sa kă bro càr Dăk Nông đơs bè do: Gơ wèt mờ bi Tạ Đình Đề là Bí thư Đảng ủy Viện Kiểm sát Nhân dân, Phó Kuang ătbồ Viện Kiểm sát Nhân dân càr tàm broă lam lơh jăt broă bơsram mờ lơh jăt nùs nhơm, bồ tơngoh, rài kis mờ broă lơh jak Hồ Chí Minh dê bal mờ gơnoar broă dong broă ai kấp ủy in mơkung să tờm tơn đơng lam mờ lam lơh jăt nùs nhơm, bồ tơngoh, rài kis mờ broă lơh jak Hồ Chí Minh dê, den bi neh lơh krơh niam ngan tàm broă lơh broă geh kơnòl ngan, khin kơlôi khin lơh, tơryăng tơryồng bơceh pa. Mờ bi kung kong bòl glar ngan lùp jòi ală gùng dà broă lơh nàng lam lơh jăt.

Mờ cồng nha lơh geh bơh Đảng bộ Viện Kiểm sát Nhân dân càr dê bè broă lơh bơ\t bơtàu Đảng bơh Đảng bộ dê geh uă bơta gơ tam gơl niam ngan. Pah nam sền swì sac rwah mpồl đảng kơnă hơđơm gơ wèt mờ Đảng bộ ndrờm geh Đảng ủy gah ală anih lơh broă đơs là đảng bộ sàng goh pràn kơldang kơ\ kơl jăp pơnrơ. Gơ wèt mờ anih lơh broă den kung lơh geh uă ngan cồng nha, uă ngan ală broă jờng rơ bơh gah lơh broă do dê, bơh Chính phủ mờ bơh Chủ tịch lơgar dê.            

Ồng Ngô Thanh Danh, Phó Bí thư duh broă sùm Tỉnh ủy, Kuang ătbồ Mpồl Kuang bàng Quốc hội càr Dăk Nông đơs nền: Dơ\ hòi jà bơsram mờ lơh jăt nùs nhơm, bồ tơngoh, rài kis mờ broă lơh jak Hồ Chí Minh dê tàm Dăk Nông neh cèng wơl cồng nha geh kuơ ngan. Ờ go\ di mìng kuang bàng, đảng viên lơm mờ jơh bal ală rơnàng làng bol ndrờm gơtùi bơsram geh tàm Bác Hồ mờ tơngo\ bơh ală broă lơh loh làng, geh kuơ ngan tàm rài kis pah ngai. Neh geh ngai sơlơ uă ală krơh pơnrơ tàm ală srơh bơsram tàp, tàm pơrlòng lơh broă lơh sa.

 Ồng Ngô Thanh Danh, đơs: Lơh gơlik bơta pràn lơh gơrề làm uă jrô ơnàng tàm ală rơnàng làng bol, kuang bàng, đảng viên tàm jơh ală kấp, jơh ală gah ndrờm sền do là dùl broă lơh gơ gơ jăt bal mờ rài kis pah ngai. Tu\ he sền swì sòl pơnđàng wơl he, he sền go\ bơsram nùs nhơm, bồ tơngoh Bác Hồ dê là bơsram bơh ală bơta dềt rơhền, [ươn [oài ngan rlau jơh tàm tơl jơnau đơs, broă lơh mờ tàm rài kis pah ngai. Mờ bol a` kung lơh pràn broă lơh mblàng yal tàm ală anih yal tơngi\t jơnau mpồl bơtiàn nàng ai jơh gùt Đảng, gùt làng bol in gi\t wa\ jrô rlau tai bơta kuơ bơh broă bơsram nùs nhơm, bồ tơngoh, rài kis mờ broă lơh jak Ồng dê. Tơl mpồl cau, tơl nă cau bơ\t mòn ai he in broă rơndăp lơh broă bơsram tàp bơh uă broă lơh geh kuơ ngan gơ jăt bal mờ bơta krơi is, mờ broă lơh loh làng bơl tơl kấp ủy, tơl mpồl đảng dê. Pal gơ jăt bal mờ bơta geh ngan he dê. Geh uă kấp ủy săc rwah ală broă ờ suk, ală broă pơneh ờ niam ngan den bi pal tus lơh bal, pal tìp măt cribơyai mờ làng bol sùm nàng sền go\ loh broă, mờ ală broă do là broă kis gơs, den bi hơ\ sồng gơtùi bơsong geh. Mờ dilah bi lơh jăt kơrnoat cih bè lơi, lơh bè hơ\ den là ờ gơttùi, mờ pal geh tìp măt cribơyai mờ pal geh bơh bơta geh ngan.

Cau cih Lê Xuân Lãm- Cau mblàng Lơ Mu K’Yến