VOV4.K’ho – Việt Nam jờng rơ nùs nhơm bơh EU dê kờ` bal mờ broă khat gơboh, lơngap lơngai, ờ do ờ dă gùng dà lềng tàm dà lềng đah mat tơngai lik, sồr đah EU pơn jat tai tus bal pơgồp tàm broă sền gàr ring lơngai, kơ\ kơljap, lài ngan là sền dờng màng adat boh lam mờ sền dờng màng UNCLOS nam 1982, gơnoar mờ bơta kuơ dipal bơh ală lơgar kềng gah dà lềng đah mat tơngai lik dê.

Hơ\ là jơnau đơs bơh Phó Thủ tướng, Bộ trưởng Bộ Ngoại giao, ồng Phạm Bình Minh tơnơ\ dơ\ tìp mat cribơyai broă mờ Kuang ala mat dờng màng bơh EU dê bè chính sách lơh broă mờ lơgar ndai mờ sền gàr lơngap lơngai, Phó Chủ tịch Ủy ban châu Âu, mò Federica Mogherini tàm Hà Nội ngai òr, 5/8.

2 gah niam nùs tềng đap ală bơta bơtàu tơnguh niam ngan bơh git gơp lơh broă bal Việt Nam – EU dê đơs bal mờ git gơp đah Việt Nam mờ ală lơgar geh jơng tàm EU đơs is tàm ală gah broă lơh, ngan là lơh sa, kă bro mờ bơcri priă. EU tu\ do là mpồl lơh broă bal kă bro dờng dơ\ 4 bơh lơgar Việt Nam dê, mơkung là mpồl lơh broă bal dong kờl ờ tơm wơl dờng ngan rlau jơh ai lơgar Việt Nam in, mờ 400 tơlak Euro tàm tơngai bơh nam 2014 tus nam 2020.

Pa do, 2 gah neh ki\ Hiệp định kă bro khat gơ boh (EVFTA) mờ Hiệp định sền gàr mờ dong kờl bơcri priă (EVIPA) nàng kờ` tơnguh kơnă lơh broă bal lơh sa, kă bro; đơs tờm jơnau hơ pơrgon bơh 2 gah dê kờ` kă bro khat gơboh, ring bal mờ loh làng, kung bè ală broă lơh ngan chồl pràn lơh broă bal 2 tiah châu Á mờ châu Âu.

Cau mblàng K’Duẩn