VOV4.K’ho- Drim òr (09/9), Pơrjum “Tìp mat Đại sứ ală lơgar Trung Đông mờ châu Phi nam 2019” neh ngan ngồn mu\t lơh tàm Hà Nội. Do là broă kuơmàng, nàng kờ` sơlơ tơnguh bơta tàm tơrbo\ bal mờ ngui niam rlau tai gơnoar broă bơh ală Anih lơh broă ala mat lơh broă mờ lơgar ndai bơh ală lơgar tàm tiah Trung Đông mờ châu Phi dê tàm Việt Nam.

Pơrjum kung lơh geh anih tìp mat cribơyai tơn đah ală Anih lơh broă ala mat lơh broă mờ lơgar ndai tàm tiah do bal mờ ală Bộ, gah sơnah lơh broă, ală tiah mờ mpồl lơh sa kă bro lơgar Việt Nam dê bè ală broă lơh loh làng dong lơh tơnguh rlau tai lơh broă bal uă bơta đah 2 gah. Tiah Trung Đông mờ châu Phi tàm hơ\ geh 70 lơgar, khà kờp làng bol geh 1 tơmàn 600 tơlak nă, bă ù ơnàng rlau 36 tơlak kơi sồ vuông, geh anih ù tiah chính trị, anih lơh sa kuơmàng.

Là cau lơh broă bal pin dờn mờ geh kơnòl bơh ală dà lơgar tiah Trung Đông mờ châu Phi dê, Việt Nam sùm sền dờng màng bơta gi\t gơ\p lơh broă bal, lơh bơyô bal bơh yau mờ ală dà lơgar tàm tiah do. Tus tu\ do, Việt Nam neh geh bơta gi\t gơ\p lơh broă bal mờ 69 tàm 70 dà lơgar tiah Trung Đông mờ châu Phi; geh bơta gi\t gơ\p kă bro bal mờ jơh ală dà lơgar tàm tiah do.

Cau mblàng Lơ Mu K’Yến