VOV4.K’ho – Pơrjum dềt kuang bàng lơh sa mpồl ASEAN bơh Bộ Công thương bơyai lơh neh geh lơh tàm [òn dờng Hạ Long, càr Quảng Ninh. Do là pơrjum kuang bàng lơh sa geh bơyai lơh sơn rờp ngan tàm nam ASEAN 2020. Geh lơh tàm 2 ngai, 28 mờ 29/11, tàm pơrjum dơ\ do, mìng is bè gah lơh sa, lơgar he neh bơt bơtàu geh jơnau rơcang cih mờr 15 jơnau bơceh pa geh ai lơh lài ngan krơi is, ai tơnggo\ nùs nhơm bơh lơgar Việt Nam dê tàm broă chồl pràn lơh broă bal lơh sa tàm tiah do tàm nam 2020.

Do là dơ\ sơn rờp, bol he ngan ngồn tong sră cih ală jơnau bơceh pa do mờ ală lơgar ASEAN. Bal mờ broă dờp git ală broă geh sền gròi lài ngan tus mờ gah lơh sa bơh lơgar Việt Nam dê sồr, pơrjum SEOM dềt dơ\ do gam là tu\ nàng ală lơgar cribơyai ală broă lơh lài ngan bơh ală mpồl lơh broă ờs mờng dê, broă lơh bơh gùt nam 2020 dê, broă lơh bơh kuang ala mat gah lơh sa tàm mpồl kuang ala mat Thường trực ASEAN mờ sền sơ wì broă mut mpồl tàm ASEAN bơh lơgar Đông-ti-mo dê.

Cau mblàng K’Duẩn