VOV4.K’ho-Ngai 21/4, tàm Hà Nội, Chủ nhiệm Ủy ban Đối ngoại ồng Nguyễn Văn Giàu mờ ală cau tàm mpồl Ủy ban Đối ngoại tus bal pơrjum pờ tơn tàm internet bơh Ủy ban lơh broă bal ală Nghị viện Hạ viện Indonesia bơyai lơh geh gơ rềng tus tơngume lơh broă bal dunia sơn dră kòp Covid-19. Dơ\ pơrjum geh bơta tus bal bơh ală lơgar: Malysia, Hàn Quốc, Việt Nam mờ Indonesia.

Tàm dơ\ pơrjum, ală kuang bàng neh yal dùl ết bơta kòp tàm tơl lơgar dê mờ tam pà bal bàr pe broă lơh mờ Chính phủ ală lơgar lam lơh tàm broă rcang sơn dră kòp kung bè ală broă lơh mờ ală lơgar rcang sơn dră mờ kòp dờng. Mơkung jờng rơ niam ngan cồng nha rcang sơn dră kòp mờ Chính phủ Việt Nam dê.

Mờ gơnoar là Chủ tịch Hội đồng ală Nghị viện Hiệp hội ală lơgar Đông Nam Á(AIPA) 2020, Quốc hội Việt Nam đơs ngan tai nùs nhơm krà` cê jơh nùs mờ hơ pơr gon bơh ală lơgar tàm mpồl ASEAN dê, pơn jat tai tam klăc bal, sơm bat tê bal sền gròi bơta bơtờp uă kòp dê tàm tu\ tơr mù ală bơta gơ rềng bơh kòp dờng dê tus mờ rài kis làng bol, mpồl bơtìan mờ rài lơh sa ală lơgar tàm tiah do dê.

Cau mblàng K’ Hạnh