VOV4.K’ho – Tàm Hà Nội, Tổng cục Thống kê bơyai lơh pơrjum yal cồng nha ngan ngồn mờ tơn jơh dơ\ lùp kờp khà kờp làng bol mờ hìu ơm nam 2019. Cồng nha ngan ngồn dơ\ lùp kờp khà kờp làng bol mờ hìu ơm tàm tu\ 0 jơ ngai 01/4/2019 ai go\: Kờp jơh khà làng bol lơgar VN dê là rlau 96 tơlak 200 rbô nă cau; tàm hơ\, cau klau là rlau 47 tơlak 800 rbô nă cau, geh 49,8% mờ khà cau ùr là rlau 48 tơlak 300 rbô nă cau, geh 50,2%.

Jơnau yal ai geh bơh dơ\ lùp kờp khà kờp làng bol mờ hìu ơm là cơng tàng pin dờn ngan, là cơng tàng kuơmàng mờ geh kuơ nàng drơng broă tơlik ală broă lơh bơtàu tơnguh lơh sa mpồl bơtìan bơh dà lơgar dê. Cồng nha khà kờp ngan ngồn do geh pơn jat tai yal bơ tơl ală jơnau tơnggit bè ală bơta khà kờp làng bol, khà cau, bơta niam khà kờp làng bol mờ ală bơta bè ơm kis bơh làng bol dê dùl bă tơl làm mờ mùl màl rlau.

Cau mblàng K’Duẩn