VOV4.M'nông: Nar 6/9, Ƀan rđău đă njrăng, n'gang nuh srê Covid-19 n'gor Lâm Đồng hŏ geh si ƀŭt mpeh nău rlu an gŭ srang ngai êng tĭng nău ntrŭnh mbrô 16 đah 2 xã bah nkual ƀon têh Đà Lạt lôch tơm nuh srê bah Công ty Sợi Đà Lạt hŏ dơi mât kân. Bah năp nê, n'gor Lâm Đồng năl geh 2 hê nuĭh ntưp đah Covid-19 lah công nhân Công ty Sợi Đà Lạt ta xã Trạm Hành, lôch nê nuh srê ntoh hô lam ƀon lan.

N'gor Lâm Đồng hŏ n'glêh an ngăch rlu an gŭ srang ngai êng tĭng nău ntrŭnh mbrô 16 đah 2 xã Xuân Trường n'hanh Trạm Hành bah Đà Lạt, nkre rgum ăp tơm ndơ an pah kan ƀoi tĭng, sơch an gŭ êng, rdêl bah nuh srê. Lôch rlău 1 khay nsrôih an ƀư âk trong nkra, tât aƀaơ tơm nuh srê dja hŏ dơi rdêl bah, đah lĕ rngôch 150 nuĭh geh tât dơi năl ntưp. Kơp tât nŭng nar 6/9, Lâm Đồng geh 258 nuĭh ntưp đah Covid-19, tâm nê dâk bôk năp nkual ƀon têh Đà Lạt geh lĕ rngôch 157 nuĭh ntưp./.  

Nuĭh rblang: Điểu Thân