VOV4.M’nông – Ngân hàng Phát triển Châu Á (ADB) mhe uănh an prăk manh âk 58 rkeh đôlar n’hanh prăk ntop kơl mô trok tay 2 rkeh đôlar gay n’hao dơi rdâng đah rgâl trôk nar, ntung trong n’hanh pă dak ta ăp n’gor duyên hải Nam Trung Bộ bah Việt Nam lah Bình Định n’hanh Quảng Nam, lơn lah ta ăp nkuăl nkual yôk, nkual jru ngai, ntŭk geh âk nuĭh rnoi mpôl đêt. Nău nchrăp ndâk ƀư ntung trong tâm di đah rgâl trôk nar an ƀon lan rnoi mpôl đêt lvang 1 mbra n’hao nkra 121,8 km trong tĭng ăp tâm di ndâk nkra rdâng trôk nar, ndâk ƀư 115 km trong dĭng pă dak, n’hanh kơl pă ndơ sam ƀŭt sam tra dơi nsing nơm đah trôk nar n’hanh phŭt sial mih n’hach dŭt ngăch ngăn n’hanh săk rnglăy đah prăk. Nchrăp nklăp 243.000 nuĭh, tâm nĕ geh 126.300 nuĭh tâm ăp rmôt rnoi mpôl đêt, mbra dơi geh dơn bah nău nchrăp ƀư.

Nŭih rblang: Y Sưng Phê Ja