VOV4.Mnông- Lôch rnôk nkuăl ƀon têh Hồ Chí Minh ntrŭnh Chỉ thị 18, tâm nĕ dơi geh an nuĭh ƀon lan hăn nsong đah ăp nău dơi hăn, du đê̆ n’gor Đông Nam Bộ lĕ geh nău nchrăp an nuĭh pah kan hăn nsong đah ăp n’gor. UBND n’gor Long An dơn ngoăy tĭng trong kan leo ƀư an nuĭh pah kan hăn nsong đah nkuăl ƀon têh Hồ Chí Minh n’hanh ăp n’gor Bình Dương, Đồng Nai, Tây Ninh.

Yơn lah, n’gor Long An dăn đă UBND nkuăl ƀon têh Hồ Chí Minh nklơi jăng săm ƀŭt uănh năl tĭng ơm geh, kanŭng đah săm ƀŭt bâh nău mbơh dăn bâh doanh nghiệp yor ăp ntŭk kan mât uănh ntung trong ta nkual pă an. UBND n’gor Tây Ninh ŭch đah ăp ntrong kan bâh nău nchrăp n’hanh tâm rgop mpeh nău dơi chuh vacxin lah lĕ chuh dŭt đê̆ 1 nglai lôch 21 nar, mô lah lĕ bah srê Covid-19 tâm 6 khay n’hanh nău geh xét nghiệm mô ntưp tâm 72 mông. N’gor Bình Dương an  ăp nuĭh pah kan, nuĭh way kan geh ndơ̆ vơt đah ndeh bâh ăp n’gor, nkuăl ƀon têh.

Nuĭh rblang: Thị Đoắt