VOV4.M’nông – Tâm ăp nar bah năp, âk ntŭk ta lam dak lĕ kơp dơn nuĭh ntưp Covid-19 hao âk. Ôi 30/12, ta Nghệ An kơp dơn 81 nuĭh ntưp Covid-19 mhe ta 13 ntŭk, tâm nĕ geh 10 nuĭh ta ntŭk gŭ rêh. Hôm n’gor Hưng Yên, tâm 2 nar 28 n’hanh 29/12, kơp dơn 249 nuĭh ntưp đah kaman Sars-CoV-2. Dôl uănh, saơ âk nuĭh ntưp mhe ta ăp ntŭk công ty nkra njêng ta lam nkuăl Tiên Lữ, Văn Lâm, nkual têh Mỹ Hào. Ta n’gor Ninh Bình, tâm nar 29/12, lĕ geh 29 nuĭh ntưp mhe. Tâm 2 nar bah năp, n’gor Bắc Ninh kơp dơn tay 411 nuĭh ntưp mhe Covid-19. Nchroh mbơh tâm nar tât rnoh nuĭh ntưp mbra hao ngăch rnôk ăp nău ƀư wăng sa-rêh jêng tâm ăp nar dŭt năm hao âk.

            Nŭih blang: Y Sưng Phê Ja