VOV4.M'nông: Ntơm bah kêng dŭt pơh dja, du đêt nkual pâl rlưn, ntŭk hăn pâl nđaih bah nkual ƀon têh Hồ Chí Minh kơt Thảo Cầm Viên, Ƀon pâl nđaih Bình Quới, Công viên Văn hóa Đầm Sen mbra pơk tay mpông wơt nuĭh ƀon lan n'hanh năch pâl nđaih. Aơ lah nău ma âk nuĭh ƀon lan dŭt mpŏng kâp.

Tĭng nê, ntơm bah nar 6/11, Công viên văn hóa Đầm Sen pơk mpông wơt năch. Tâm nê, lĕ rngôch ăp ndơ pâl rlưn, rhŏ dŏng cà phê ngêt sa pâl rlưn bah dih mbra pơk tay, êng nău kan kalơ sân khấu ri mô hŏ an pơk tay. Yơn lah, ta rơh dja, Công viên dơn pơk tay mpông tâm nar prao n'hanh Nar pơh ăp pơh dơm. Ăp ntŭk pâl nđaih văn hoá- ngêt sa êng ƀa ƀă kơt: vườn Minh Trân (quận Tân Bình), ăp nkual pâl nđaih Văn Thánh, Tân Cảng, Bình Quới (quận Bình Thạnh) hŏ mbơh pơk tay mpông đŏng./.

Nuĭh rblang: Điểu Thân