VOV4.Mnông- Nău kan chuh Vacxin Covid-19 an oh kon se bâh 12-17 năm deh ta Việt Nam lĕ ntơm geh ƀư bâh bôk khay 11/2021 ta lam dak. Aƀaơ lĕ geh 6 ntŭk ƀư chuh lah nkuăl ƀon têh Hồ Chí Minh, Đà Nẵng, Bình Dương, Kiên Giang, Ninh Bình n’hanh Quảng Ninh. Du đê̆ ntŭk êng lĕ geh nău nchrăp chuh vacxin njrăng Covid-19 an oh kon se rnôk vacxin geh pă tât. N’gâng kan dak si dôl mpŏng tât rnoh vacxin dơi chuh an bâh 18 năm deh let lơ geh lĕ rngôch nuĭh dơi chuh tâm ăp khay dŭt năm 2021 n’hanh bôk năm 2022. Êng mpeh chuh vacxin njrăng Covid-19 an oh kon se ba dâng 18 năm deh, knơm ta nău geh pă vacxin bâh ăp ntŭk nkra ƀư, n’gâng kan dak si dôl geh nău nchrăp dŏng vacxin năm 2022 n’hanh dăn nău tâm rgop bâh rnâng kan ntĭm leo ngih dak tâm nău njrăng, rdâng nuh srê mpeh dơi chuh an oh kon se ba dâng 12 năm deh tĭng nău ntĭm đă bâh ntŭk kan dak si lam ntur neh.

Nuĭh rblang: Thị Đoắt