VOV4.M'nông: Kêng măng (30/8), ta nkual ƀon têh Hồ Chí Minh, Groi Thủ tướng Vũ Đức Đam ndrel rmôt pah kan mha êng bah Chính phủ mpeh tĭng  ƀư njrăng, n'gang nuh srê COVID-19 hŏ hăn ôp uănh nău but săm, phăt dak si săm an nuĭh ntưp Covid-19 dôl an  gŭ rgum êng, săm êng ta jay. Lôch hăn ôp uănh ta Quận 11 n'hanh Quận 8, Groi Thủ tướng Vũ Đức Đam njrăng đă nău ngăn geh mhe aơ ta ăp n'gor geh ăp nuĭh ji F0 rgâl jêng nău  ji jru dŭt ngăch yơn mô dơi but săm, năn ngăch saơ jêng geh khĭt ta jay. Yor kơt nê, rgâl bah hôm ma kuăl điện thoại, mpôl tahen dak si ân kan nsum đah nhih dak si ta ntŭk way jŭr  mbro chop uănh nuĭh ji F0, lơn lah ăp rnăk mô geh mom ndăm, dăng mât chăm an nuĭh ji. Groi Thủ tướng Vũ Đức Đam đă tâm 24h tât, mpôl tahen dak si ân rgum, mbơh nô nău phăt dak si săm an F0. Lah geh dak si yơn mô hŏ dơi tât ăp F0 ri ân njŭn ngăch, lah mô tŏng ri ân kơi rvăt ngăch./.

Nuĭh rblang: Điểu Thân