VOV4.M’nông: Ôi lơ 20/8, Rnâng kan Uỷ ban MTTQ Việt Nam nkuăl ƀon têh Hồ Chí Minh hŏ ƀư ndơn máy ECMO rnoh 145 rbăn đôla, yor Ntŭk kan ntoh măt bah Ấn Độ ndrel ƀon lan Ấn Độ mpeh ba dâng pă ân Ngih dak si Nhiệt Đới Nkuăl ƀon têh Hồ Chí MInh. Wa Tô Thị Bích Châu, Kruanh Uỷ ban MTTQ Việt Nam nkuăl ƀon têh ntoh nau tâm pă nau jêr ndrel roh hoach ma ƀon lan Ấn Độ rlet rlau bah srê Covid-19, nkre rnê prêh ngăn nau dơi bah Chính phủ ndrel ƀon lan Ấn Độ tâm nau nkân njrăng srê Covid-19. Bol ma hôm âk nau jêr, yơn Chính phủ Ấn Độ hŏ ntrŭnh nau kơl an bah Chính phủ ndrel nŭih ƀon lan Việt Nam dôl rdâng bôk đah ăp nau tât bah srê, lah nau kan geh nau khlay. Rnâng kan rđau kan bah Ấn Độ ta nkuăl ƀon têh Hồ Chí Minh, wa Madan Mohan Sethi mbơh, nchrăp lơ 30/8 tât aơ, duk tahen Ấn Độ mra tât ta nkuăl ƀon têh Hồ Chí Minh, rdeng 300 máy njêng oxy ndrel 100 tấn oxy yor Chính phủ Ấn Độ kơl an Việt Nam./.

Nŭih rblang: H’Thi