VOV4.Mnông-  Tĭng bôk nău kan rơh rƀŭn nchră tal 2 Quốc hội khóa 15, ôi aơ, 22/10, ăp đại biểu djăt kruanh n’gâng kan tơm prăk Hồ Đức Phớc, ndơn kan bâh Thủ tướng chính phủ mbơh tơih mpeh nău nchrăp Luật tăch rgâl bảo hiểm mhe geh rgâl n’hanh kruanh n’gâng kan kế hoạch n’hanh đầu tư Nguyễn Chí Dũng, ndơn kan bâh Thủ tướng chính phủ ndơ̆ mbơh an ăp n’gor, nkuăl ƀon têh, Hải Phòng, Nghệ An, Thanh Hóa n’hanh Thừa Thiên Huế dŭt jŏ lah 30 mnĭt. Lôch nĕ, Quốc hội geh djăt tay nău mbơh tơih ôp uănh ăp nkô̆ nău aơ. Kêng măng nar naơ, ngoăy tâm ăp nkô̆ nău khlay geh ăp đại biểu tâm nchră ta rmôt lah nău ƀư tĭng nău kơl, nău kan bảo hiểm xã hội, mât uănh n’hanh dŏng rnoh prăk bảo hiểm xã hội năm 2020. Ăp đại biểu Quốc hội djăt n’hanh nuĭh way kan an lah: An geh ntrong kan gay ma n’hao săk rnglăy nău dŏng bâh ăp rnoh prăk bảo hiểm xã hội, bảo hiểm roh nău kan aƀaơ lĕ geh tât rnoh 953 rbăn rmen prăk. Ndrel đah nĕ, an geh rmal răng dăng nău mô ndơ̆ thuế, mbrơi ndơ̆ bảo hiểm xã hội.

Nuĭh rblang: Thị Đoắt