VOV4.M’nông – Ôi 20/8, ta Nkual ƀư nkhah gĭt Kruanh Tôn Đức Thắng, xă Mỹ Hòa Hưng, nkual ƀon têh Long Xuyên, n’gor An Giang, N’gor ủy, HĐND, UBND, Ủy ban MTTQ Việt Nam n’gor An Giang lĕ ƀư an nkao, mpoh nhang nkah gĭt 133 năm Nar deh Kruanh Tôn Đức Thắng (20/8).

An Giang: Nkah gĭt 133 năm Nar deh Kruanh Tôn Đức Thắng

Ƀư nkah gĭt 133 năm Nar deh Kruanh Tôn Đức Thắng năm aơ ƀư tâm rnôk lam dak lah nsum, n’gor An Giang lah êng dôl nsrôih njrăng n’gang srê Covid-19, jêng ăp nău ƀư dơi ƀư keh rkŏ yơn rjăp; nuĭh ntoh măt râng ƀư tĭng rjăp ăp nău ntrŭnh mpeh njrăng n’gang srê. Ntô̆ n’hao đah nău kan n’hanh nău rêh cách mạng kloh ang bah Kruanh Tôn Đức Thắng, Đảng bộ n’hanh nuĭh ƀon lan An Giang way tâm rnglăp du nuih n’hâm, rgum soan nti nsơm, pah kan, n’hao nău mĭn ntô̆ hao êng, mât uĕh nuih n’hâm ngăch prăl, ƀư mhe, joi nău geh ơm têh dăng, dŏng ăp nău lap n’hanh ăp nkô̆ nău nơih ndâk njêng n’gor An Giang mô rlu hun hao, tâm di lah ƀon tơm bah Kruanh Tôn Đức Thắng.

            Nŭih rblang: Y Sưng Phê Ja