VOV4.M’nông – Ta nău mbơh mhe aơ bah Văn phòng Chính phủ, Groi Thủ tướng Lê Minh Khái đă ơm jêh nău kơl gay ntop kơl bu ur, kon se mâp jêr jŏt tă bah chôt srê Covid-19. Chính phủ đă N’gâng kan Lao động, Thương binh n’hanh xã hội tâm rgop đah ăp n’gâng kan, nău kan geh tât ndăn jêh sam ƀŭt mbơh n’hanh dự thảo Nghị quyết bah Chính phủ mpeh nău aơ. Mpeh nău kơl ntop kơl êng nuĭh, rnăk mâp jêr jŏt tâm nău rêh tă bah khuch bah chôt srê Covid-19 plơ̆ sĭt ƀon tơm gŭ rêh, ntŭk gŭ dơi manh kơl an gay nkra njêng, tăch rgâl, Groi Thủ tướng jao an N’gâng kan Kế hoạch n’hanh Đầu tư tâm rgop đah N’gâng kan Lao động, Thương binh n’hanh xã hội, Ngân hàng chính sách xã hội n’hanh ăp ngih pah kan geh tât mĭn njêng, dăn đă tâm lĕ rngôch bôk nău kan rdâk hao n’hanh hun hao wăng sa, rêh jêng, mbơh an gưl dơi mkra uănh mĭn tay, an ntrŭnh.

Nuĭh rblang: Y Sưng Phê Ja