VOV4.Mnông- Ôi nar 14/10, groi Thủ tướng Vũ Đức Đam pah kan đah n’gâng kan văn hóa, thể thao, pâl nđiah n’hanh n’gâng kan mât uănh ntung trong mpeh ntrong kan njêng tay nău pâl nđaih tâm let năp tay. Bar nău geh tâm nchră dŭt khlăy ta rơh rƀŭn nchră lah geh njoat pơk tay nău pah kan pâl nđiah tâm dak, rlong vơt năch pâl nđaih dak bah dih.

Groi Thủ tướng Vũ Đức Đam đă 2 n’gâng kan an geh ơm geh nău ntĭm mbơh mpeh nău tât râng ta ăp ntŭk pâl nđaih đah nău mĭn pơk nău pâl nđaih ngăch ndăn yơn lah an geh nâp nâl, tâm di pah kan, mât njrăng an geh săk rnglăy. Ta rơh rƀŭn nchră, Groi Thủ tướng Vũ Đức Đam lah na nê̆: N’gâng kan văn hóa thể thao n’hanh pâl nđiah n’hanh n’gâng kan mât uănh ntung trong an geh ơm ntrŭnh, mbơh mpeh nău tât râng ăp nău pâl nđaih n’hanh tâm rnôk hăn pâl rlưn. Ngăn lah, ăp rơh leo năch pâl rlưn geh tât trong loih, trong ndeh păr.

Nuĭh rblang:Thị Đoắt