VOV4.M'nông: Kêng măng nar 06/10/2021 ta Viện Vệ sinh Dịch tễ Trung ương, wa Robyn Modie, Đại sứ Australia ta Việt Nam hŏ jao an Thứ trưởng Bộ Y tế Trương Quốc Cường 300.000 dĭng vaccine AstraZeneca ƀư njêng ta Úc ndrel âk ndơ dŏng kan dak si. Tât aƀaơ Australia hŏ jao an Việt Nam rlău 700.000 dĭng vaccine (tâm lĕ rngôch rnoh 1,5 rkeh dĭng vaccine mpeh Australia hŏ ton). Australia mbơh mbra ntop kơl tay Việt Nam hôm 3,7 rkeh dĭng vaccine tâm let năp tay ma trong tâm ton đah UNICEF n'hanh Bộ Y tế Việt Nam đŏng, n'hao lĕ rngôch rnoh vaccine Australia ton kơl an Việt Nam hao 5,2 rkeh dĭng, rnoh khlay bơi tâm ban đah 60 rkeh AUD. Mpeh Australia dôl tâm boh đah UNICEF gay n'hao têh dăng ndơ tâl prăp vaccine, ntĭm nti nuĭh kan dak si n'hanh an ƀư chuh n'gang vaccine tât ăp nkual jru ngai bah Việt Nam đŏng. Ndrel nar, Thủ tướng Chính phủ Phạm Minh Chính hŏ geh si ƀŭt lah uĕh Thủ tướng Australia Scott Morrison mpeh ndơ ntop kơl khlay dja./.

Nuĭh rblang: Điểu Thân