VOV4.M'nông: Ôi (14/10), Ban Chấp hành Đảng bộ nkual ƀon têh Hồ Chí Minh ƀư Tâm nchră tâl 9. Lah ta rnôk ntơm pơk tâm nchră, wa Nguyễn Văn Nên – Uỷ viên Bộ Chính trị, Bí thư Thành uỷ an gĭt, tâm 9 khay năm 2021, nô nău nuh srê tât krit nji, nkual ƀon têh an gŭ srang ngai êng lam rêh jêng kon nuĭh tâm jŏ jong. Nău dja khuch lĕ rngôch tât jâng wăng sa n'hanh văn hoá, rêh jêng kon nuĭh bah nkual ƀon têh.

Lĕ rngôch ăp trong kan geh tât khuch da dê, âk rnoh kan geh hŭch, tâm nê GRDP 9 khay hŭch 4,98%. Tât aƀaơ nkual  ƀon têh Hồ Chí Minh hŏ kân dơi bôk năp nuh srê. Yơn lah, nkual ƀon têh ân n'hao dăng tay đŏng gay tĭng ƀư Nghị quyết 128 bah Chính phủ n'hanh ntĭm nti bah Bộ Y tế mpeh trong nkra manh bên di đăp mpăn, mât kân geh nău tam nuh srê Covid-19. Mhe aơ, Kruanh dak Nguyễn Xuân Phúc hŏ geh rnê âk nău nsrôih pah kan rdâng lơh nuh srê n'hanh n'gluh ăp ntŭk ân nkra bah tâm let năp tay./.

Nuĭh rblang: Điểu Thân