VOV4.M’nông – Ôi 30/9, nău nchrăp ƀư ntung Thủ Thiêm 2 na nê̆ rdâk n’gâng, nthoi 2 đah kơh ndrâm dak mpeh nkual ƀon têh Thủ Đức n’hanh Quận 1, nkual ƀon têh HCM. Râng ƀư geh Ủy viên Bộ Chính trị, Bí thư Thành ủy nkual ƀon têh HCM Nguyễn Văn Nên, Kruanh UBND nkual ƀon têh wa Phan Văn Mãi n’hanh ntoh măt ăp n’gâng kan, nău kan.

Ntung Thủ Thiêm mbra boăt nthoi Nkual ƀon têh Thủ Đức đah Quận 1.

Nuĭh tơm ntuh kơl nău nchrăp ƀư lah Công ty Cổ phần đầu tư địa ốc Đại Quang Minh, dĭng lĕ prăk ntuh kơl lah 4.260 rmen prăk, tơm prăk ntuh kơl tĭng trong kan ndrel nsum mpôl (PPP). Nău nchrăp ƀư ntung Thủ Thiêm 2 jong rlău 1,4 km, tâm nĕ ntung jong 886m đah 6 blon trong ndeh. Ntung rdâk ƀư mbăk ndrăng rse đah n’gâng tháp me prêh 113m. Nău nchrăp ƀư ntung Thủ Thiêm 2 lah ndơ khlay geh tâm nău rƀŏng ndrel nkre njrăng n’gang srê nkre hun hao wăng sa rêh jêng bah nkual ƀon têh. Aơ lah ngoay tâm đêt nău nchrăp ƀư dơi UBND nkual ƀon têh an ƀư tâm rnôk ƀư tĭng gŭ srang kon nuĭh.

Nŭih rblang: Y Sưng Phê Ja