VOV4.M'nông: Bộ Giáo dục n'hanh Đào tạo mhe geh si ƀŭt njuăl Kruanh Uỷ ban nhân dân ăp n'gor, nkual ƀon têh mpeh Trung ương mpeh nău dơn, nta trong dơh an kon se nti ta ntŭk tơm gŭ tă bah nuh srê Covid-19. Tĭng Bộ Giáo dục n'hanh Đào tạo, ta năp nô nău nuh srê Covid-19 tât krit nji, âk kon se nti ân hăn sĭt ƀon tơm nơm ma mô năn plơ̆ sĭt tay nhih nti gay ban năm nti mhe. Gay đăp mpăn nău dơi kơt nti an kon se nti, Bộ Giáo dục n'hanh Đào tạo dăn đă Kruanh Uỷ ban nhân dân ăp n'gor, nkual ƀon têh mpeh Trung ương rđău đă Sở Giáo dục n'hanh Đào tạo, ăp nhih nti dơn, nta trong dơh an kon se kơt nti ta ntŭk nơm gŭ tâm rnôk njrăng, n'gang nuh srê Covid-19, tâm di đah nău geh ngăn ngăn bah n'gor, nhih nti; kan nsum đah ăp n'gor, nhih nti ntŭk kon se geh nău ŭch sĭt n'hanh hăn tât gay dơn n'hanh tâm pă, dăp rgum jrô nti an kon se nti tĭng di nuĭh./.

Nuĭh rblang: Điểu Thân