VOV4.M'nông: Quân ủy Trung ương - Bộ Quốc phòng hŏ ƀư rgŏ jă rơh tâm rlong mha êng đah nkô̆ "Tahen ndrel lam dak nsum suan, du nuih n'hâm tâm rlong njrăng, n'gang nuh srê n'hanh lơh dơi nuh srê Covid-19”. Đại tướng Phan Văn Giang, Bộ Trưởng Bộ Quốc phòng rđău đă rơh lễ ta bôk ƀoh Sở chỉ huy Bộ Quốc phòng ndrel 220 bôk ƀoh lam dak. Trong leo ƀư tâm rlong mha êng "Tahen ndrel lam dak nsum suan, du nuih n'hâm tâm rlong njrăng, n'gang n'hanh lơh dơi nuh srê Covid-19" rgum tâm nău kan tâm boh nsum, ntop kơl gưl ủy, n'gâng kan tâm dâng nkra jêr jŏt, kơl rek klêh, koh rôk ndơ tuch tăm n'hanh tăch ndơ tuch tăm, bum biăp, pă ndơ tăch an dŏng sa khlay mât nău rêh n'hanh mât chăm n'hâm suan ƀon lan; nchrăp trong nkra njrăng, n'gang nuh srê ta gưl têh lơn gay năn ngăch rdâng lơh, nkra rmal, mô an geh tât ndrât ndal tâm ăp nău tât. Tâm nar bôk năp rgŏ jă, 1.096 cán bộ, học viện quân y n'hao dăng âk tay tâm nkual ƀon têh Hồ Chí Minh n'hanh ăp n'gor mpeh bah dâng mpeh pah kan njrăng, n'gang nuh srê Covid 19.

Nuĭh rblang: Điểu Thân