VOV4.M'nông: Tĭng nău mbơh njrăng lor bah Bộ Y tế, aƀaơ kon se ta nâm 18 năm deh mô hŏ chuh vaccine njrăng n'gang COVID-19, jêng, lah mô geh nău khlay ngăn, me bơ̆, bu kuâng ân der an kon se luh hăn trong. Geh tât nău rsong hăn bah kon se rnôk du đêt nkual ƀon têh pơk tay mpông, lah geh nău khlay ân luh trong kon se ta nâm 18 năm deh ân tĭng jăp 5K. Mpeh trong nchrăp chuh vaccine njrăng n'gang COVID-19 kon se, Bộ Y tế hŏ rdâk njêng trong ntĭm nti geh tât chuh n'gang an kon se ntơm bah 5 tât 17 năm deh. Bah năp nê, ta rơh hop báo way ăp khay Chính phủ, Thứ trưởng Bộ Y tế Đỗ Xuân Tuyên an gĭt hŏ rđău đă Cục Y tế dự phòng n'hanh Hội đồng Vaccine gưl neh dak gŭ mĭn, ntơm tâm ban ŭch ntŭk nsing tĭng ntil vaccine gay chuh an kon se ta nâm 18 năm deh. Nău dja dôl dăn nău rgop bah ăp nuĭh khoa học n'hanh nhih pah kan rnâng kan gay an dŏng tâm nar dŭt ơm./.

Nuĭh rblang: Điểu Thân