VOV4.M’nông – Ôi nar 5/10, ta Hà Nội, N’gâng kan Công thương tâm rgop đah Ntŭk mĭn njêng ndơ moh ntoh lư n’hanh tâm rlong rdâk ƀư “Rƀŭn nchră boăt nthoi nău ŭch tăch dŏng ntrôl hao jêng wăng sa”. Rƀŭn nchră gay mbơh ƀư ăp trong ntop kơl nău soih luh ndơ, tăch ndoh ndơ nâp nâl, săk rnglăy ŭch âk lơn ăp trong mkra bôk năp, ntơm geh jŏ jong tâm năm tât. Yor khuch bah chôt srê Covid-19, ăp nău ƀư tăch ndoh ndơ, tăch rgâl, ntrŭt ngăch tăch rgâl... geh n’hŭch. Nău geh ăp nău kan pâl nđaih, ndơ ngêt sa hŭch âk da dê, nuĭh ƀon lan mpêt dŏng. 9 khay năm aơ dĭng lĕ geh tăch chrach ndoh ndơ n’hanh nău geh ndơ dŏng hŭch 7,1% nkôp đah rơh aơ năm e. Ta Rƀŭn nchră, ăp nuĭh way kan rblang ăp jêr jŏt, geh khuch hô jâng wăng sa Việt Nam dôl rdâng, nkre nchră ăp trong ntop kơl bah Chính phủ n’hanh ăp nău nsrôih bah doanh nghiệp tâm nău an di đah nău rgâl bah ntŭk tăch rgâl gay ntrôl hao jêng wăng sa.

Nuĭh rblang: Y Sưng Phê Ja