VOV4.Mnông- Cục cảnh sát mât uănh ntung trong an gĭt, tâm 4 nar rlu lễ 2/9 mpôl kan Cảnh sát mât uănh ntung trong ngih dak lĕ rmal bơi tât 11 rbăn nuĭh ƀư tih mpeh nău mât đăp mpăn ntung trong. Tâm nĕ geh 244 nuĭh tih ngêt ndrănh hăn ndeh. Tâm 4 nar rlu lễ 2/9, lam dak lĕ geh 57 rơh tâm tom ndeh khĭt 24 nuĭh, rmanh 39 nuĭh. Bâh nău uănh nđôi, rmal nău tih, Cảnh sát mât uănh ntung trong lam dak lĕ uănh nđôi, geh ban saơ rmal bơi tât 11 rbăn nuĭh tih, rmal prăk rlău 7,4 rmen prăk. Tâm let năp tay, mpôl kan cảnh sát mât uănh ntung trong n’hao nău tâm rgop, uănh nđôi gĭt nău ƀư tĭng nău pah kan bâh n’gâng kan trong loih. uănh nđôi na nê̆ mô an geh nuĭh hao ta ndeh treng bâh ntŭk geh srê sĭt ƀon tơm ƀư roh đăp mpăn nău hăn nsong, đăp mpăn rêh jêng, nkre lah nta nău dơh nơih an ăp ndeh hăn trong dơi hăn nchoăn rdeng ndơ, mât đăp mpăn drăp ndơ geh tăch rgâl.

          Nuĭh rblang: Thị Đoắt