Nău nchrăp gay ma ƀư na nê̆ Nghị quyết bâh Quốc hội, lah nău kan pháp lý khlăy gay ma rgum lĕ rnoh kan mbơh tơih nău nchrăp kan ƀư điện hạt nhân Ninh Thuận. Tĭng nĕ, n’gâng kan Công thương geh jao đă ƀư nău leo kan, tơm ntuh kơl ƀư nău kan Ninh Thuận 1 n’hanh 2. Tâm khay 9/2025, n’gâng kan an geh ƀư lôch ký tâm ton mpeh nău nchrăp kan Ninh Thuận 1 n’hanh tâm khay 12/2025 an geh ƀư lôch nău tâm nchră, ký tâm ton kan mpeh nău nchrăp ƀư điện hạt nhân Ninh Thuận 2. UBND n’gor Khánh Hòa geh pă ndăn mbơh tơih nău kan ntrơn ƀon lan, an gŭ tay n’hanh ntrơn ntŭk gŭ. N’gâng kan ntĭm nti leo kan rdâk njêng bôk nău kan ntiưm nti nuĭh kan ƀư điện hạt nhân. N’gâng kan khoa học n’hanh công nghệ mbra mbơh tơih nău kan  rgŏ jă mpeh nău ntrŭnh hun hao điện hạt nhân. Nău ŭch mbơh lah ƀư lôch an tâm ban ntŭk kan ndơ dŏng ntung trong an 2 nău kan tâm lvang năm 2025-2026.