VOV4.M’nông: Rnoi rơ măm lah ngoai tâm âk rnoi nu\ih đê| ngăn ta Việt Nam. Rnoi Rơ Măm a[aơ knu\ng geh bơi tât 500 nu\ih rêh rgum tâm Plei Le, xã Mô Rai, nkual Sa Thầy, n’gor Kon Tum. Ndrel đah ăp nau kan kơl an nu\ih bah Ngih dak, rnoi Rơ măm dôl nsôih rlet rlau ndâk njêng nau rêh mhe. Tâm nê, bu ranh Plei A Blong lah du hê nu\ih ntoh lư tâm nau kan hun hao văng sa ndrel bonh đă kônh wa jut jăng lơi nau rlu mâl, mât nau ueh ơm, rgop nau ndâk njêng nau nâp tâm nkual n’har bri. Ăp nar bôk khay 12 aơ, bu ranh A Blong geh săch lah ngoai tâm 25 nu\ih ntoh lư bah Kon Tum hăn râng Đại hội ăp rnoi mpôl đê| ta Việt Nam tal II năm 2020.

A Blong, deh năm 1955, lah du hê nu\ih bu ur ntoh lư gi\t blau tâm rnoi Rơ măm. Ơm gi\t ti\ng trong cách mạng, wa râng nau kan leo lor tâm nau njrăng rdâng Mỹ tă bah rơh mom. Neh dak đăp mpăn, wa ê nai nti kon se tâm nkual n’har bri Mô Rai, Sa Thầy, Kon Tum. Lôch ăp năm hôm mom, n’ăp ma rnôk rlu ranh, bu ranh A Blong mro u\ch rnoi Rơ Măm mô hôm ach o ji ngot. Wa lah nu\ih leo lor ndrel kơl an kônh wa kơt ti\ng. Tâm nau hun hao văng sa, rnăk wa geh 4 ha cao su dôl ma geh kor rtăk, 3000m2 lo\ dak, ntu ka, rong rpu ndrel rong djăr. Tâm nau rêh nsum, wa A Blong ko\ lah nu\ih ndâk nuih n’hâm gi\t nti ân kon se, nti\m nau hăn nrti gay jut jăng lơi nau rlu mâl ơm, mât ndray nau ơm vay. Wa A Yer, Groi kruanh UBND xã Mô Rai ân gi\t, bu ranh A Blong geh nu\ih [on lan u\ch ro\ng, rnê ryơk tă bah nau leo lor bah săk nơm:

‘Wa ngăn ngên leo trong lor tâm nau kan [ư ti\ng nau ntru\nh bah Đảng, Ngih dak. Wa nkoch trêng, bonh đă kônh wa tâm [on păng nơm lah êng, tâm xã lah nsum [ư ăp nau kan kơl an. Hun hao văng sa ri wa ko\ lah nu\ih hăn lor tâm nau mat rong rpu, sur, ndrôk ndrel du đê| tơm tăm kơt cac su, điều”.

Tă bah nau bu rnơm ndrel nau nsôih bonh đă, mbơh nau tâm di, nau tih bah bu ranh A Blong, rnoi Rơ Măm tâm nkual n’har bri Mô Rai a[aơ ho\ n’huch nau tâm gu\ ur sai ơm ndrel mô hôm tâm gu\ tâm dăch dak mham, ndâk nau tanh njuh, mât dơi du đê\ nau ơm ueh, kơt nau khôm tor, tuch ma, sa ba mhe, hao ngih mhe…Nau ueh ngăn lah, bol ma knu\ng geh 149 rnăk đah 487 nu\ih gu\ tâm du [on, Xã Mô Rai, yơn lah rnoi Rơ măm hôm mât 34 bor chi\ng khlay gay ma do\ng tâm nau rgum r[u\n. Nô A Thái, nu\ih tâm [on Plei Le, nkoch, lah rnăk geh nau mô ueh ri bu vay hăn tât joi bu ranh A Blong gay ma ôp nau, gay ma rklaih:

‘Săk gâp saơ bu ranh A Blong lah nu\ih ueh ngăn. Păng [ư âk nau kan ueh, păng leo lor tâm ăp nau kan n’ăp ma tâm rnăk vâl, tâm [on lan, păng ueh đah kônh wa, tâm dăch tâm dơh. Ăp nau kan păng geh rklaih ueh da dê. Săk gâp ri ti\ng kơt păng âk ngăn”.

            Đah nau geh bu rnơm nơm, bu ranh lah ntu\k nsing mpeh nuih n’hâm bah n’gâng kan, rmôt kan bah xã Mô Rai ndrel rmôt mât nkual n’har bri dôl gu\ kan tâm nkual. Bu ranh ko\ lah nu\ih rgop nau ngơi gay ma tơm ba dak, tơm cao su, mât rong ndrôk geh ntrong hun hao tâm nkuăl n’har bri Mô Rai, leo nsi\t nau rêh nar lơn ma hơm răm ân kônh wa Plei Le lah êng ndrel 7 [on rnoi mpôl đê| lah nsum. Năm aơ ho\ 65 năm, bu ranh A Blong hôm lah nu\ih leo lor bah rnoi Rơ măm, nsôih tâm ăp nau kan đah nau u\ch leo nau ueh lơn ân [on lan:

‘Nau u\ch ngăn lah ân kônh wa jut n’huch ach o, ji ngot. Bar đo\ng lah kơt ti\ng ăp nau ntru\nh bah Đảng, pháp luật bah Ngih dak. [ư tih đah Đảng, Ngih dak ri mô dơi ôh. Mô dơi thơ tha, nau ji ngot, ach o mô ueh ôh. Nê lah nau ma gâp u\ch ngăn ngên”.

ĂP nar bôk khay 12 aơ, bu ranh A Blong rhơn geh lah ngoai tâm 25 nu\ih ntoh măt bah n’gor Kon Tum hăn râng Đại hội ăp rnoi mpôl đê| Việt Nam tal II năm 2020. Aơ lah nau nsôih gay ân Wa nsôih lơn đah nuih n’hâm leo lor, kơl kônh wa rnoi Rơ măm tâm nkuăl neh ao nar lơn ma đăp mpăn hơm tăm./.

Nu\ih rblang: H’Thi