VOV4.Mnông: Rlău 15 năm pah kan dân vận, dêh dăch đah nu^h [on lan ta ăp [on, bu ranh [on Y Hơ Êban (hôm ntơ lah che H ‘Nháp), ta [on Kniưa 4, xã Ea Bar, nkuăl Buôn Đôn, n’gor Daklak geh nu^h [on lan knơm n’hanh  săch kan. Wa lah nu^h ntop mât nău ueh way ơm rnoi Rđe bâh nău pơk jrô nti do\ng mbuăt rlet way ơm an rơh mom.

            Ngih jay têh hvi bơi tât 100 met vuông bâh rnăk amí Na Sa ta [on Knia 4, xã Ea Bar, nkuăl Buôn Đôn, n’gor Daklak mhe geh [ư lôch rnôk bôk năm aơ. Rlău ma nău nsrôih bâh le\ rnăk vâl, aơ hôm nha lah nău geh bâh nău kan rgo\ jă [on lan bâh bu ranh [on Y Hơ Êban.

            Amí Nasa kahg^t tay, ntơm nơh, yor djăt t^ng nău nkơnh đah du nău rêh ueh ndro\ng ta dak bah dih, păng nơm mô g^t vât jêng ur sai yuh le\ tă hăn nchoăt ntung du dak Campuchia. Lôch ăp nar rêh jêr jo\t ta bri ngai, ur sai yuh geh plơ\ s^t ta [on nơm. Rnôk ne\, bâh geh bu ranh Y Hơ way tât chop khâl bonh leng, 2 hê ur sai g^t vât, nsrôih pah kan jan sa, hun hao wa\ng sa rnăk vâl.

            “Gâp djăt t^ng nău bum mplư, mô g^t vât, kanu\ng djăt t^ng bu lah hăn ta Mỹ, mô kâp pah kan geh nău rêh sâm geh, têh ndro\ng, tăng kơt ne\ gâp hăn t^ng. yơn  hăn tât n’har bro, saơ bri dơm dam. Lôch geh geh bu nhup n’hanh an plơ\ s^t ta jay. Bâh geh bu ranh [on [a [ơ nkah mbơh chop khâl, lôch ne\ ăp rơh r[u\n nchră ta [on geh nt^m nti lah mô djăt nău bu rlăm nsich, hên le\ vât, a[aơ r^ gu\ ta [on, đăp mpăn pah kan jan sa, rêh ueh.

            Mô êng rnăk amí Nasa, [on Knia lah êng, xã Ea Bar lah nsum, le\ tă geh âk nu^h djăt t^ng nău bu mplư, tât râng [ư roh nău đăp mpăn, hăn nchoăt du dak bah dih mô tâm di. Bu ranh [on Y Hơ Êban n’hanh cán bộ ăp gâl kan le\ âk tơ\ tât ta jay tâm ngơi, mbơh nti. Nău tâm ngơi dêh rmên, ueh djăt, nti mbơh mbrơi mbrơi jêng vât bâh wa le\ kơl an nu^h [on lan g^t ăp nău ueh n’hanh [ư t^ng.

            T^ng nău mbơh bâh wa Y Sen Kbuôr, kruanh UBND xã Ea Bar, nkuăl Buôn Đôn, n’gâng kan xã ua\nh rnê âk ăp nău tâm rgop bâh bu ranh [on Y Hơ.

            “Aơ lah bu ranh [on du\t nsrôih n’hanh geh nău kan kơl ueh an [on lan. Bôk năp, wa mbơh tơih rgo\ jă [on lan mpeh nău đăp mpăn rnă njrăng chính trị ta ntu\k. tal 2 wa le\ tâm rgop ta nău ndâk nsơm tay nău ueh mpôl rnoi, nti an mom ndăm ta ăp [on tur ch^ng goh gong, uh mbuăt. Rlău ma ne\ wa mbơh tơih, rgo\ jă, leo rjaih nău tâm rkeh tâm thôn, [on.

            Năm aơ le\ rlău 70 năm deh, yơn bu ranh [on Y Hơ hôm nha nsrôih đah nu^h [on lan ta ăp thôn. Wa hôm nha nsrôih mât nău ueh way ơm rnoi Rđe bâh nău nti do\ng ăp ntil mbuăt rlet rnoi nơm an rơh mom. Bâh năm 2004 tât a[aơ, le\ gẻh lău 100 băl mom geh wa nt^m, âk nu^h tâm rnoh ne\ le\ blău pâl ăp ntil mbuăt rlet rnoi nơm, tât râng tâm rlong ta ăp ntu\k, n’hanh pâl an nu^h djăt ta ăp ntu\k pal rlưn.

            Wa nkoch , wa du\t ryơk rnê nău way ueh ơm mpôl rnoi n’hanh m^n rvê lah mô geh nti tay an rơh mom r^ mbra lah roh rui ơm.

            “Gâp pah kan rgo\ jă [on lan 15 năm, tât a[aơ le\ rlu, yơn kanu\ng lah rlu nău kan ne\ dơm, yơn săk gâp nơm, tâm nău m^n gâp hôm nha mât ua\nh tât [on lan đo\ng. tâm ăp rơh r[u\n rgum [on gâp đă [on lan tât . gâp way m^n, nău m^n rvê ăp nău ueh way ơm bâh u che he an tay mbra roh, yor ne\ gâp joi trong mât rbăy nt^m nti an an mom ndăm, nti ăp oh mon uh đinh tut, đinh năm, nti tur ch^ng. ne\ lah ăp nău ueh klhay bâh rnoi nơm, u che he nklơi tay mô dơi an roh.

            N’gor Daklak a[aơ geh 446 nu^h geh ăp nu^h săch knơm [ư bu ranh [on, tam ne\ geh 398 nu^h mât nău kan kruanh thôn, [on. Ăp nu^h kơt bu ranh Y Hơ lah nu^h geh knơm tâm ăp [on lan, lah ntung njo\ đah ăp gâl kan, n’gâng kan đah [on lan, ntop ta nău mât nâp rnă njrăng chính trị, rdâk njêng thôn [on ăp nar lơ ma rgâl mhe.

            Nu^h rblang: Thị Đoắt