VOV4.Mnông- Kêng măng nar 7-9, Ủy ban nhân dân nkuăl ƀon têh Buôn Ma Thuột, n’gor Dak Lak lĕ geh ntrŭnh mbơh công văn mbrô 4016 gay ma an lhoi du đê̆ nău ntrŭnh tâm nău kan njrăng rdâng nuh srê Covid-19 ta ntŭk geh ntơm dơi njrăng đah nuh srê tâm 10 nar ƀư tĭng nău ntrŭnh mbrô 16 bâh Thủ tướng chính phủ.

Tĭng nĕ, bâh 5 mông kêng măng, nar 7/9, nkuăl bon têh Buôn Ma Thuột an ăp nău kan rdâk njêng ta nkuăl ƀon têh dơi pah kan tay. Nkuăl ƀon têh lĕ geh an ăp ntŭk tăch rgâl drăp ndơ rdâk njêng ngih jay, ndơ sa an ntil rong geh pơk tăch tay yơn mô an rlău 50% nuĭh pah kan. Nău tăch rvăt ta ăp ntŭk aơ an geh mât đăp mpăn rdăng dăng nău way 5K n’hanh ăp nău ntrŭnh njrăng, rdâng nuh srê.

Nuĭh rblang: Thị Đoắt