VOV4.M’nông: Kêng măng 22/9, UBND nkuăl ƀon têh Buôn Ma Thuột (Dak Lak) hŏ ntrŭnh nau ntrŭnh mrô 4224 mpeh nau ân ăp ntŭk tăch ndơ ngêt, sa (ngih tăch ndơ sa, ngih tăch cà phê) pah kan nâm ơm, ntơm bôk mông lơ 23/9/2021. Tĭng nê, ăp ntŭk ƀư tăch ndơ sa, dak ngêt, rnôk pah kan nâm ơm ân geh kơt tĭng ăp nau njrăng, rdâng srê Covid-19, kơt lah mô ân nŭih tât ngêt sa rlau 10 nŭih tâm di tơ̆, lah rnoh hvi ngih tăch rlau 150m2 geh kơl ân ngêt sa âk ngăn lah 20 nŭih. Ăp nŭih tơm ƀư nau kan tăch ndơ sa ân pă nŭih veh duh n’ik săk jăn, rao kloh ty rnôk sa, mput nkhĭt kman tâm nsưng sa, nsưng gŭ jêh ngăch luh. Rnôk aơ, nau tât bah srê tâm nkuăl ƀon têh Buôn Ma Thuột geh nkân ueh, 6 ntŭk geh srê mô geh ntoh tâm ăp Phường Thành Nhất, Tân Thành, Tân Hoà geh nkân, mô geh tay nŭih ntưp mhe tâm ƀon lan, lam nkuăl ƀon têh mbơh geh 7 phường, xã rlau 14 nar ndrel 11 phường, xã rlau 7 nar mô geh srê tâm ƀon lan./.

Nŭih rblang: H’Thi