VOV4.Mnông- kêng măng nar 21/10, UBND nkuăl ƀon têh Buôn Ma Thuột n’gor Dak Lak ntrŭnh mbơh nău ndal, ntĭm đă ăp xã phường mât jăp lơn tay nău kan njrăng rdâng đah ăp nuĭh ntưp srê Covid-19 hao ngăch ta ntŭk rêh jêng. Tĭng nĕ, nkuăl ƀon têh đă rlu tay ƀât ăp nău kan : Vũ trường, quán karaoke, bar, ntŭk massage, internet, ntŭk pâl điện tử, ntŭk kreh sŏk, ƀư nkrơ̆, nkual pâl rlưn oh kon se, tach tâm rlong, ăp ntŭk tăch ndơ ntoh êng, nău kan tăch ndơ ta trong, tăch ndơ pĭt trong, tăch vé số, rgum chroh rƀŭn. Nău pah kan văn hóa, pâl rlưn ta ntŭk rêh jêng n’hanh ăp ntŭk tập thể dục tâm jay.

Mpôl kan dak si test ngăch gay ma gơnh saơ nuĭh ntưp tâm ntuk rêh jêng

Đah ăp ntŭk tăch rgâl ndơ ngêt sông răk năch, ntŭk ngêt sa, ntŭk ngêt cà phê geh an năch gŭ ngêt sa ta ntŭk yơn lah mât đăp mpăn ăp nău kan njrăng nuh srê Covid-19 .Tâm nar 21/10, Buôn Ma Thuột geh 30 nuĭh ntưp đah SARS-Cov2, tâm nĕ geh 12 nuĭh tâm ntŭk rêh jêng. Nkuăl ƀon têh lĕ joi nuĭh tă tâm mâp ntŭk tă hăn, sŏk test ngăch klâp ma 4 rbăn nuĭh ƀon lan ta ƀon Kô Sier, Phường Tân lâp gay ma ngăch joi nuĭh ntưp ta ntŭk rêh jêng, njrăng rdâng nuh srê. Kơp nsum lam n’gor Dak Lak, nar 21/10 lĕ geh 92 nuĭh ntưp SARS-Cov2. Aơ lah rnoh geh saơ dŭt âk bâh ntơm tât aƀaơ.

Nuĭh rblang: Thị Đoắt