VOV4.M’nông – Ôi 23/8, Trung đoàn Cảnh sát cơ động Tây Nguyên lĕ ƀư hăn ndơ̆ 100 cán bộ, tahen hăn n’gor Bà Rịa-Vũng Tàu ntop kơl n’gor aơ njrăng n’gang srê Covid-19. 100 cán bộ, tahen tâm Trung đoàn cảnh sát cơ động Tây Nguyên đah tŏng ăp ndoh ndơ lĕ dơi 5 bôk ndeh way dŏng ndơ̆ sŏng tât Bà Rịa -Vùng Tàu ntop kơl nuĭh ƀon lan ntŭk aơ njrăng n’gang srê Covid-19.

Cán bộ, tahen Trung đoàn cảnh sát cơ động Tây Nguyên hăn trong lăp ăp n’gor mpeh bah Dâng ntop kơl njrăng n’gang srê

Thượng tá Diêm Công Toàn-Trung đoàn trưởng Trung đoàn cảnh sát cơ động Tây Nguyên nkoch, “Yor săk soan, nău rêh bah nuĭh ƀon lan bôk năp”, đah nuih n’hâm “Njrăng srê kơt njrăng n’gang rlăng”, ăp cán bộ tahen mĭn aơ lah nău kan lơh rdâng tâm rnôk đăp mpăn, lah nău kan đah neh dak n’hanh nuĭh ƀon lan. Bah năp nĕ, 310 cán bộ, tahen bah ntŭk kan lĕ lăp ntop kơl nkual ƀon têh Hồ Chí Minh ƀư nău kan kơt nĕ.

Nŭih rblang: Y Sưng Phê Ja