VOV4.M’nông: Ôi lơ 6/9, đah nau ƀư tơm, rđau đă bah Thủ tướng Chính phủ Phạm Minh Chính, Chính phủ rƀŭn nchră vay ăp khay tâm khay 8 năm 2021 gay nchrăp mpeh nau kan văng sa, rêh jêng khay 8 ndrel 8 khay năm 2021, nau kan hun hao nau kan ƀư tĭng nau rđau bah rmô 01/NQ-CP bah Chính phủ , nau kan văng sa, rêh jêng năm 2021 ndrel nau nchrăp nau kan hun hao văng sa, rêh jêng năm 2022, nau kan ƀư nau nchrăp nau ntuh kơl nau kan lvang năm 2021, nchrăp mra geh nau ntuh kơl nsum năm 2022, nau nchrăp ntuh kơl nsum năm 2022, nau nchrăp ndâk tay nau kan văng sa lvang năm 2021-2025 ndrel ăp nau kan khlay êng. Ta nar rƀŭn, Thủ tướng Chính phủ Phạm Minh Chính đă N’gâng kan tơm prăk rgum ăp nau kan bah ăp ntŭk kan, nkuăl mpeh tơm prăk ƀư nau kan njrăng, rdâng srê; Bộ Lao động-Thương binh ndrel Xã hội mĭn ntop nau kan ƀư nau kan tâm mpeh bôk năp njrăng rdâng srê, ntrơn leo ƀon lan ân geh nau rđau tâm di. Đă ngăn lah ngăch nkân uănh nau kan gay ntrŭt dăng nau hun hao văng sa, rêh jêng, tâm rnôk mhe./.

Nŭih rblang: H’Thi