VOV4.M'nông: Mbơh bah năp Quốc hội, ƀon lan n'hanh cử tri lam dak ta rơh hop tâl 2, Quốc hội khóa XV, Thủ tướng Phạm Minh Chính an gĭt, năm 2021, tâm rnôk neh dak mâp âk jêr jŏt, ntul rlong lah rơh nuh srê covid-19 tâl 4 đah njêng săk mhe delta geh rnoh ntưp rêng dŭt ngăch, dŭt klach rvê lơn rđĭl đah ntil tơm nơh, he ân dŏng âk trong njrăng, n'gang nuh srê, dăng, lĕ n'hâm suan, mô hŏ tă geh gay tĭng ƀư rnoh tât kan an ƀư lor bôk năp lah mât njrăng săk rêh bah nuĭh ƀon lan. Mpeh trong rƀŏng nău kan hun hao wăng sa rêh jêng kon nuĭh năm 2022, Thủ tướng lah kloh nău mĭn rđău đă, ƀĭt juet tâm nê lah rjăp: Groi tĭng hun hao tĭng Nghị quyết Đại hội XIII bah Đảng. Mât uĕh suan dăng tâm rnglăp lam rnoi nuĭh n'hanh lam trong kan chính trị; mpư n'hao nuih n'hâm nsrôih êng, nsing tâm săk nơm tơm khlay, suan bah dih lah nău khlay. Ndơ̆ n'hâm suan, săk jăn bah nuĭh ƀon lan dâk bôk năp, ƀư lor; tĭng kơn bên di đăp mpăn, ngăch ngăr, mât kân bah nuh srê COVID-19.

Nuĭh rblang: Điểu Thân