VOV4.M’nông - h phu\t mbrô 12 lơh, n’gor Dak Lak le\ geh khuch khat roh hoach âk mpeh drăp ndơ n’hanh kon nu^h, tâm nê Krông Bông lah ngoăy tâm 2 nkuâl geh tât khuch du\t hô. A[aơ, n’gâng kan ta ntu\k n’hanh ăp n’gâng kan dơi kan dôl nsrôih kơl [on lan rdâk tay lôch phu\t lơh, ơm đăp mpăn nău rêh n’hanh rdâk tay nău kan tuch tăm. Ta xã nkual jru ngai Yang Mao lôch phu\t lơh, ntô| rlău, nău rngot ji an tay bah kơi:

Geh măt ta xă nkual jru Yang Mao, nkuăl Krông Bông rnôk phu\t 12 le\ hăn rlău, mpôl hên saơ nău chrai, chôt hăch; ma t^ng nu\ih [on lan nkôp mô êng nău tâm lơh tâm su. Wa Y Phiêu Nia ta [on Tar rvê nkoch:

 “7 mông lah sial dăng ngăn, kônh wa du nchoăt. Bah kăl e tât a[aơ têh ngăn, mô ho\ tă geh kơt ne\. Rlău ma tâm lơh rnôk 68. Drăp ndơ ri ndrôk kh^t đo\ng, nu\ih kh^t đo\ng, kik djăr mpăr le\, kho ao mpăr le\ t^ng sial rdu”.

Hôm yuh H’Thu Niê ri mă kon jêt 2 khay, dâk gâng ta mpir jay mhe rlâm, hoch dak măt, vơl brah:

 “Ơi trôk, rngot ngăn ! bu ranh mhe [ư jay aơ. Gu\ geh 3 năm ri rlâm. Măng aơ mô g^t ntu\k b^ch. Kơt aơ ôi taơ klak mô g^t ntu\k so\k si [ư jay. Bah ôi tât a[aơ mô geh ndơ sa. Phe ba ri mpe\ mô g^t ndơ so\k n’gôn”.

Tâm rơh phu\t mbrô 12 aơ, Yang Mao lah xă khuch khat hô ngăn ta Krông Bông, n’gor Dak Lak. Rơh phu\t le\ klôn rdu, [ư rlău 600 mlâm jay plôk chor n’hanh rlâm, tâm ne\ bơi 100 mlâm jay rlâm le\ rngôch, [ư du hê kh^t n’hanh 4 nu\ih êng sôt rmanh.

Tâm nar phu\t tât ta du đêt nkuăl mpeh bah lơ n’hanh bah dâng n’gor, kruanh UBND n’gor Dak Lak le\ hăn ăp ntu\k geh khuch khat hô, tâm ne\ geh xă Yang Mao, nkuăl Krông Bông, gay ntru\t nsôr [on lan geh khuch khat hô mpeh nu\ih n’hanh drăp ndơ. Nkre nt^m rđau [on lan n’hanh rmôt kan ndăn kơl [on lan mkra khuch khat.

Lor rnôk dơi N’gâng kan nt^m rđau tahen n’gor n’hanh Quân khu 5 ntop kơl, UBND nkuăl Krông Bông le\ rgo\ jă du rmôt tahen mât njrăng êng ndrel druh ndăm kơl [on lan răk rao, ndâk [ư tay ngih wâl. Nô Y Sam Niê ta [on Tar, xă Yang Mao lah:

 “Moh nău dơi [ư ri he [ư. Tâm [on ri rgo\ jă le\ rngôch rmôt nu\ih, kơt lah mpeh đoàn druh ndăm, dân quân tự vệ. Lah nsum tâm [on nu\ih geh soan ri kơl soan, nu\ihgeh prăk ri rgop prăk”.

Jêh rnôk phu\t hăn rlău, wa Nguyễn Hải Ninh-uỷ viên dự khuyết Trung ương Đảng, Groi kruanh rnâng kan UBND n’gor Dak Lak le\ tât xă Yang Mao, nkuăl Krông Bông gay ôp khâl, ntru\t nsôr ăp rnăk geh nu\ih kh^t n’hanh sôt rmanh; nt^m rđau gưl uỷ, n’gâng kan [on lan n’hanh rmôt kan dơi kan ndăn ntop kơl [on lan nkra khuch khat, ơm đăp mpăn nău rêh.

UBND n’gor n’hanh nkuăl jêh ne\ gưl uỷ [on lan, ta xă, ta [on le\ nt^m rđau du\t n’hâm ngăn. Ăp rmôt ta ntu\k an m^n rvê nu\ih [on lan s^t ta ntu\k ndê, ntu\k sông sa kloh ue\h gay nu\ih [on lan đăp mpăn gu\ ndê. Jêh ne\ mpôl hên mbra kơp na nê| khuch khat gay mkra tâm nar ơm ngăn”.

Phu\t sial 12 mhe rlău le\ khuch na nê| n’hanh [ư âk khuch khat đah n’gor Dak Lak. Mpeh lo\ mir, geh rlău 26.500 ha tơm tăm ăp ntil geh chôt pă n’hanh dak lip; 4.800 mlâm kik djăr klôn rdu. Khlay lơn lah ndâk nkra tay pah kan. Ta Krông Bông, ơm lah du nkuăl jêr jo\t, nău kan aơ lơ jêr nkra. Wa Huỳnh Bài, kruanh UBND-kruanh Ban nt^m rđau rchăng n’gang trôk nar n’hanh joi kơl nu\ih rmanh nkuăl Krông Bông, n’gor Dak Lak an g^t:

 “Bah năp măt đah ăp ntu\k khuch khat hô ri mpôl hên mbra ntop kơl ntil, đah du đêt ntil tơm tăm đêt khay gay kônh wa dơi tuch tăm n’hanh mkra nău ji ngot tâm yan tât. Nău tal 2, an uănh lah tay ăp nkual geh dak lip tâm ăp khay du\t năm gay dêr [ư khuch khat. Bah meng ne\, mpôl hên mbra mbơh [ư bôk nău kan rgâl ntil tơm tăm mpa rong an pơng tâm di đah trôk nar, neh ntu tâm khay ơm ngăn gay [on lan geh ndơ [ư rho\ do\ng an nău rêh n’hanh pah kan jan sa. Đah rnoh neh tuh mbo geh khuch khat, mpôl hên mbra uănh nđôi tay, kơl an [on lan rdâk njêng tay rnoh neh ma dơi [ư tay. Mpôl hên mbra nt^m rđau n’hao tay yan gay m’hâm [ư rdâk nkra tay rnoh ndơ geh khuch khat tâm yan aơ”.

Nu\ih nchih rblang: Y Sưng Phê Ja