VOV4.M'nông: Bộ Y tế an gĭt ntơm bah aơ tât kêng dŭt năm năm 2021, rnoh âk vaccine njrăng n'gang Covid-19 mbra rgum sĭt âk, jêng ăp n'gor ân nchrăp ăp tŏng nuĭh kan, drăp ndơ dŏng n'hanh ăp ndơ geh khlay gay n'hao ngăch chuh n'gang nkrum lam vaccine. Lôch nê nta trong dơh khlay gay nkre bên di đăp mpăn đah nuh srê, nkre hun hao wăng sa- rêh jêng kon nuĭh. Tĭng nău mbơh bah Cục Y tế dự phòng n'hanh Viện Vệ sinh dịch tễ Trung ương, tât lĕ nar 10/10, Việt Nam hŏ dơn geh rlău 87 rkeh dĭng vaccine njrăng n'gang Covid-19 n'hanh hŏ ƀư 57 tơ̆ tâm pă đah lĕ rngôch 81,7 rkeh dĭng vaccine an ăp n'gor. Nchrăp tâm let năp tay rnoh âk vaccine mbra n'glăp geh âk. Gay đăp mpăn dŏng rnoh vaccine ngăch, geh nău tam, Bộ Y tế dăn đă ăp n'gor, nkual ƀon têh uănh pah kan chuh n'gang vaccine njrăng n'gang Covid-19 lah nău kan tơm khlay, an lor bôk năp tâm rơh aƀaơ./.

Nuĭh rblang: Điểu Thân