VOV4.Mnông. Ôi  nar 26/9, Đoàn Thanh niên công an n’gor Dak Lăk tâm rgop đah ăp ntŭk kan ntuh kơl lĕ tât khâl pă ndơ an ăp ntŭk kan njrăng rdâng nuh srê. Mpôl kan lĕ tât khâl n’hanh pă ndơ an 200 dŭng ndơ dŏng, ndơ dŏng dak si an công an nkuăl têh Buôn Hồ n’hanh nuĭh ƀon lan mâp âk nău jêr jŏt ta nkuăl têh.

Công an n’gor Dak Lak tât khâl n’hanh pă ndơ an ăp ntŭk kan kâp chăm ntŭk njrăng nuh srê Covid-19.

Ăp dŭng ndơ rêh jêng geh rnoh klâp ma 1 rkeh prăk, geh 5 kg phe, dak ngi, dak măm, dak toh, dak si ngêt bah duh săk, bok put mbung, kem tho sêk, xa bu, biăp play, tăp djăr n’hanh ca. Ndrel đah nĕ, mpôl kan hôm nha tât khâl n’hanh pă an rhiăng ndơ nsoh an nai dak si, bok put mbung, dak rao ti, ndơ sa n’hanh dak ngêt an ăp cán bộ, tahen n’hanh nuĭh pah kan ta ntŭk kan ngih dak si nkuăl têh Buôn Hồ, công an nkuăl Krông Buk n’hanh ăp ntŭk njrăng rdâng nuh srê bâh xã Pơng Drang nkuăl Krông Buk n’hanh xã Ea Hồ nkuăl Krông Năng.

Nuĭh rblang: Thị Đoắt