VOV4.M’nông: Thủ tướng Chính phủ lŏ geh nau ntrŭnh mbơh mrô: 1102 njoăl ăp n’gor, nkuăl ƀon têh tâm Trung ương, ăp n’gâng kan, ntŭk kan tâm Chính phủ. Nkô̆ nau mbơh ntrŭnh đă: Gay ngăch njrăng, ntrŭt jăng, nkân njrăng lơi srê nuh, mât n’hâm soan, nau rêh bah nŭih ƀon lan lah nau tơm, ê lor, ăp Bí thư n’gor uỷ, Thành uỷ, Kruanh UBND n’gor, nkuăl ƀon têh tâm Trung ương, Kruanh n’gâng kan, Kruanh ntŭk kan tâm ban bộ, ntŭk kan tâm Chính phủ, ntŭk geh geh tât ân geh rgum rđau, rđau đă ndrel ƀư ân rjăp, ngăn, nsôih, săk tam ăp nau kan njrăng, rdâng srê Covid-19, tâm nê ngăn lah uănh nau rgum, rđau ndrel rgum nau râng lăp kan bah ƀon lan, Sŏk xã, phường, nkuăl têh lah “n’gâng tơm”, nŭih ƀon lan lah “tahen” lah ntŭk tơm kơl an, lah tơm nau njrăng, rdâng srê. Kan ƀư nau kan hôm lah nau tơm, ngăn lah tâm du đê̆ xã, phường, nkuăl têh. Ăp ntŭk kan, n’gâng kan, tĭng nau kan, nau ƀư, nau dơi geh jao ndal rklaih ăp nau kol, nau ê dơi, ƀư nau nsôih lơn, rjăp tơm, tam lơn ăp nau kan./.

Nŭih rblang: H’Thi