VOV4.M’nông – Ta năp nu nău srê Covid-19 jêr jŏt, bah năm 2020, Điện lực Dak Lak lĕ ndâk ƀư mã QR Code joi tâm internet tât ăp trong ntŭk mât uănh nuĭh dŏng, Cổng dịch vụ nsum ngih dak, Cổng dịch vụ nsum bah n’gor Dak Lak, kơl nuĭh dŏng ta jay dơi ƀư ăp nu nău mpeh điện. Tă bah nĕ, bah bôk năm 2021 tât aƀaơ, Công ty lĕ wơt dơn n’hanh mkra rlău 56.000 nău đă ăp ntil ndơ điện tă bah sŏng dăng geh: Ƀư điện mhe; rgâl công xuất, nău ŭch dŏng điện; rgâl công tơ điện, rgâl ntŭk điện; dăn trok prăk điện....

Rup săk trok prăk đah mã QR Code tâm website Cskh.Cpc.vn

Đah ăp ntil ndơ geh trok prăk, ntŭk kan lĕ ntĭm nuĭh dŏng ƀư tâm rgâl sŏng dăng cấp độ 4. Tĭng nĕ, nău trok prăk điện dơi ƀư online tă bah ăp ứng dụng Zalopay, Momo, Payoo, Vimo mô lah ứng dụng ngân hàng đah mã QR-Code, Ntŭk trok prăk VNPlay. Dĭng lĕ rnoh prăk lĕ tâm rgâl ta 8 khay bah năp lah rlău 2,1 rmen prăk.

Nŭih rblang: Y Sưng Phê Ja