VOV4.M’nông: Kruanh dak Nguyễn Xuân Phúc hŏ kuăl điện thoại tâm nchră đah Bí thư bôk năp Rnâng kan rđau kan Trung ương Đảng Cộng sản Cuba, Kruanh dak Cuba Miguel Diaz Canel, tâm nchră mpeh nau, nau ƀư lŏ n’hao nau tâm boh kan nsum ueh lăng đah 2 Đảng, Ngih dak ndrel ƀon lan 2 dak. Kruanh dak Nguyễn Xuân Phúc ntoh nau rhơn mpeh bôk năp tâm nchră đah wa Miguel Diaz Canel tâm nau kan mhe, rnê prêh nau tâm boh 2 dak hun hao ueh ngăn bol ma geh srê. Bar rđau kan lah rjăp, nau tâm boh mô dơi geh nau rgâl êng đah Việt Nam ndrel Cuba, nuih n’hâm tâm kơl tâm moh nau tât, tâm ban nau n’hao tâm boh ndrel tâm nchră nau tă blau tâm nau kan ndâk njêng Chủ nghĩa xã hội bah 2 dak. Kruanh Miguel Diaz Canel lah rjăp Cuba uănh khlay nau tâm boh vắc xin đah Việt Nam, kơl an ntơm rnôk aơ tât năm 2021 pă rnoh âk ngăn vắc xin Abdala njrăng srê Covid-19 bah Cuba ndrel mra đă nŭih tă blau nau kan tâm nau ê nkra vắc xin ân Việt Nam./.

Nŭih rblang: H’Thi