VOV4.M’nông – Nar đaơ (26/10), n’gor Lâm Đồng kơp dơn 6 nuĭh ntưp Covid-19 mhe. Tâm nĕ, geh 4 nuĭh lah trong ntưp mhe dơi saơ ta ntŭk gŭ rêh ta nklang nkual ƀon têh Đà Lạt. Jêh uănh nđôi bôk năp, ngih pah kan dơi kan n’gor Lâm Đồng năl tu tơm ntưp bah ntŭk srê 4 nuĭh geh bah nuĭh ta nkual ƀon têh Hồ Chí Minh tât Đà Lạt n’hanh manh khách sạn rlu rlău.

Đà Lạt: saơ ntŭk srê Covid-19 mhe ntưp bah bu năch gŭ khách san

N’gâng kan dak si n’gor Lâm Đồng lĕ ndăn mbơh ndal mrô 71 gay joi nuĭh geh măt ta rlău 10 ntŭk geh tât, tâm nĕ geh ăp ntŭk rlu rlău, chợ, jay sông sa, cà phê, trà sữa, ntŭk tăch dak si n’hanh ntŭk tăch ndơ. Ndrel đah ntŭk srê mhe aơ, n’gor Lâm Đồng dôl uănh nđôi, joi, uănh nđôi 19 trong ntưp Covid-19 êng. Aƀaơ Lâm Đồng kơp dơn dĭng lĕ 490 nuĭh ntưp Covid-19, tâm nĕ geh 313 nuĭh lĕ dơi săm bah n’hanh lĕ sĭt.

Nuĭh rblang: Y Sưng Phê Ja