VOV4.M’nông - Măng 28/9, UBND nkual ƀon têh Đà Nẵng an ntĭm đă mpeh nău ƀư ăp trong tâm di đăp mpăn, ngăch, groi nđôi săk rnglăy chôt srê Covid-19. Ntĭm đă aơ nkoch 9 trong njrăng n’gang srê tâm nu nău mhe. Uănh khlay tay mât uănh rjăp nău mĭn êng phường, xă, khu phố, tổ dân phố lah “hăn lor”, nuĭh ƀon lah tơm, nuĭh tơm ntrŭnh lôch uĕh njrăng n’gang srê. Lơn lah, nkual ƀon têh mât uănh n’hanh ƀư tĭng săk rnglăy 6 nkô̆ nău way tâm di đăp mpăn, ngăch, groi nđôi săk rnglăy srê Covid-19 bah Thủ tướng Chính phủ ntĭm rđău. UBND nkual ƀon têh Đà Nẵng ntrŭnh, đah nkual dôl ƀư tĭng nkhah êng dak si mô lah dơi ndâk njêng rnôk geh nuĭh ntưp mhe Covid-19 tâm ntŭk gŭ rêh: Ƀư tĭng tay rjăp lơn trong mkra nkhah êng dak si, “nuĭh ntŭk gŭ ri gŭ ta nĕ”. Đah ăp nkual ƀa ƀă, nkual ƀon têh an rlu bât ăp nău ƀư ntŭk tăch rgâl, ndơ rhŏ pâl rlưn, ntŭk ƀư uĕh (knŭng ntŭk kreh sŏk, ŭm bôk), karaoke, mát-xa, quán bar, vũ trường, rạp phim, ntŭk pă rhŏ an internet ntŭk gŭ rêh.

Nuĭh rblang: Y Sưng Phê Ja