VOV4.Mnông- Ta Đà Nẵng, lôch 1 pơh leo ntĭm nti tâm mâp rgum an kon hoc jrô 12, mât đăp mpăn njrăng rdâng nuh srê, 29/11, kon hoc khối 10 n’hanh 11 ta nkuăl ƀon têh aơ lĕ geh plơ̆ tay ngih nti. Rnoh kon hoc nti jrô 10 n’hanh 11 plơ̆ nti tay dŭt âk jêng ăp ngih nti THPT ta nkuăl ƀon têh Đà Nẵng lĕ geh mbơh ƀư nău kan njrăng, rdâng nuh srê Covid-19. Ta năp nĕ, gay ma nchrăp an nău ntĭm n’hahh nti tâm mâp rgum, lĕ rngôch ăp ngih nti lĕ geh njêng rnâng kan ntĭm leo njrăng rdâng nuh srê Covid-19 n’hanh rmôt kan mât đăp mpăn Covid-19, pă dăp nău an gŭ nkhah êng đah nkual hành chính n’hanh ntĭm nti, mbra geh njrăng rdâng nău tât lah geh nuĭh ntưp đah SARS-Cov-2. Tât aƀaơ, nkuăl ƀon têh Đà Nẵng lĕ ƀư lôch chuh 2 nglai vac xin njrăng Covid-19 an kon hoc nti THPT. Aơ lah nău khlăy gay ma mât đăp mpăn an ăp oh plơ̆ tay ngih nti tâm rnôk ntưp nuh srê âk aƀaơ.

Nuĭh rblang: Thị Đoắt